Gipahigayon niadtong Hulyo 21, 2025 ang ika-lima nga batch sa Basic Gender and Development (GAD) Orientation nga gi-organisar sa City Human Resource Management Office (CHRMO) ubos sa pagpangulo ni Magnolia O. Improgo, DPA, CGDH-I (HRMO). Ang maong kalihukan gihimo sa Garden Party Venue, Malaybalay City. Gitambongan kini sa 80 ka empleyado gikan sa nagkalain-laing buhatan sa City Government. Ang orientation nagtumong sa paghatag og mas lawom nga pagsabot sa Gender and Development aron mapalig-on ang gender equality ug gender-responsive nga serbisyo sa lokal nga pangagamhanan sa Malaybalay ubos sa pagdumala ni City Mayor Jay Warren R. Pabillaran, kinsa mitambong usab sa maong kalihokan.
Si Dr. Sansehry B. delos Santos, SAO (HRMO IV) gikan sa CHRMO ang nagsilbing Resource Speaker sa maong kalihukan. Ang maong aktibidad kabahin sa padayon nga programa sa CHRMO nga nagtinguha sa pagpalambo sa kahibalo ug kasinatian sa mga kawani sa pagtubag sa mga isyu nga may kalabotan sa gender sensitivity ug inclusive governance.
Report: Vember Francisco, CHRMO-NADA
